سيات 133

سيات 133 السيارة القديمة الحديثة

نرحب بمشاركات الأعضاء ويسعدنا الرد عليها

    طلب بسيط

    شاطر

    fanoos

    عدد المساهمات : 1
    تاريخ التسجيل : 14/06/2010

    طلب بسيط

    مُساهمة  fanoos في الإثنين يونيو 14, 2010 5:06 pm

    السلام عليكم اخ خالد
    انا شايف انك مهتم بالسيات قوى وبتحاول توصل خبرتك ومعلوماتك لكل واحد معاه عربية سيات
    وده دليل على كرمك
    انا اشتريت عربيه سيات من شهر واحب اعرفك شويه حاجات عنها
    1- العربية موديل 81
    2- دواخل فابريكه بالكامل قدام وورا
    3- عدد 4 كاوتش تيوبلس عريض 175 + جنوط اسبور
    4- زجاج كهرباء + كاسيت وسماعات
    5- العربية لسه عامله عامرة ماتور كامله
    6- شكمان تيربو (ديفل)للاسف
    7- اللون برتقالى
    8- ماتور 843 cc وصاحبها بيقول انه كله 127 من جوه
    9- مروحه احتياطى 128 تعمل بمفتاح فى التبلوه
    10- صالون حاله جيده جدا
    11- على كبالن

    ودى تقريبا كل المعلومات اللى عندى

    نيجى بقا للمهم

    العربية بتسخن ورحت غيرت الردياتير بواحد 5 ماسوره
    انا ساكن فى 6 اكتوبر وشغلى فى التحرير وعايز اروح بيها الشغل
    لما بنزل بيها الصبح فى (التراوه)بتسخن عند ميدان جهينه ولازم استنا شويه علشان اكمل وتسخن تانى عند ميدان لبنان
    وانا راجع تسخن عند اول المحور وآخره وتبطل اول لما اشيل رجلى من على البنزين ولازم استنا شويه


    وغيرت البطاريه بواحده جديده 70 امبير علشان البطاريه القديمة كانت تعبانه

    عايز اعرف العيب منين بالظبط؟؟؟؟

    المطلوب عايز اركب امبير حرارة بس لقيت الموضوع فى كلام كتير رحت للكهربائى والميكانيكى كل واحد بكلمه وجبت اكتر من عداد والكهربائى يخلينى ارجعه
    قالولى لازم تخرط فى كوع الميه علشان تركب صباع حرارة
    انا مش عارف اعمل ايه
    ناس قالوا ان الصباع لازم يركب على دورة المياه لان اللى بيركب على وش السليندر مش بيقيس صح
    انا خايف من موضوع الخراط ده ومش عايز فى نفس الوقت العمليه تكلف كتير
    انا من شبرا مصر يا ريت لو تقدر تقولى على حد كويس اروحله يكون متخصص او شوف انت تنصحنى بأيه؟؟

    ramses888

    عدد المساهمات : 2
    تاريخ التسجيل : 30/06/2010

    اوعا تخرم الكوع

    مُساهمة  ramses888 في الأربعاء يونيو 30, 2010 4:45 am

    بلاش تخرم الكوع علشان ده يعتبر لعب في المتور وممكن ينزل من سعرها لما تيجي تبعها
    علي العموم انا بفكر اجبها بس موش عارف ممكن تديني نصحتك بكل امانه؟ Very Happy

    مهندس دش

    عدد المساهمات : 3
    تاريخ التسجيل : 26/11/2010

    رد: طلب بسيط

    مُساهمة  مهندس دش في الأحد ديسمبر 19, 2010 7:19 pm

    بص ياغالي
    انا عنيت قبلك بس الموضوع اسهل مما تتخيل
    السيات بتسخن ليه

    عشان الناس بتغير شغل الفبريكا
    وده اللي جربته وعملته بالضبط
    والحمدلله نسيت الحرار

    1/تركب مروحتها العكسيه اللي بتسحب الهواء من الراديتير لبره

    2/تركب الطقيه بتاعتها اللي بتركب حولين المروحه

    3/وده مهم جدا تقفل قميس الراديتير
    بسلكون عشان مفيش اي اخرام تكون بين القميس والرديتير

    الحجات دى لو انت من سكان القاهره هتجيبها من عند
    على شاهين وسعرهم50جنيه

    دى تجربه شخصيه
    والحل الاكيد للتخلص من سخونه السيات

    mostafa fawzy

    عدد المساهمات : 2
    تاريخ التسجيل : 23/05/2013

    رد: طلب بسيط

    مُساهمة  mostafa fawzy في الأحد سبتمبر 29, 2013 1:58 am

    سؤال للسيد المهندس المروحة الى تركب تحرك الهواء لاى اتجاه لو فتحت غطاء الموتور المروحة خلف الردياتير وتدفع الهواء امامها فى اتجاه الردياتير هل المروحة التى وضعتها تسحب الهواءمن الردياتير الى خلف السيارة

    somarkark

    عدد المساهمات : 2
    تاريخ التسجيل : 08/12/2013

    رد: طلب بسيط

    مُساهمة  somarkark في الخميس ديسمبر 19, 2013 6:26 am

    لو سمخت انا برضومن سكان أكتوبر ممكن تقولي الميكانيكي بتاعك فين لو سمحت ؟

      الوقت/التاريخ الآن هو الجمعة أكتوبر 20, 2017 1:38 am